കൊച്ചി: 2020 ലെ കേരള സാഹിത്യ ആക്കാദമി പുരസ്കാരങ്ങൾ പ്രഖ്യാപിച്ചു. സേതുവിനും പെരുമ്പടവം ശ്രീധരനും വിശിഷ്ട അംഗത്വം നൽകും. നോവലിനുള്ള പുരസ്കാരം പിഎഫ് മാത്യൂസ് (അടിയാളപ്രേതം) നേടി. ചെറുകഥയ്ക്കുള്ള പുരസ്കാരം ഉണ്ണി ആറിനും (വാങ്ക്) കവിതയ്ക്കുള്ള പുരസ്കാരം ഒപി സുരേഷിനുമാണ് (താജ്മഹൽ).
25000 രൂപയും സാക്ഷിപത്രവും ഫലകവുമാണ് സമ്മാനം. വിശിഷ്ട അംഗത്വം ലഭിച്ച സാഹിത്യകാരന്മാർക്ക് 50000 രൂപയും രണ്ടു പവന്റെ സ്വർണ്ണപതക്കവുമാണ് പുരസ്കാരം.
സമഗ്ര സംഭാവനയ്ക്കുള്ള പുരസ്കാരം ആറ് പേർക്കാണ്. കെകെ കൊച്ച്, മാമ്പുഴ കുമാരൻ, കെ ആർ മില്ലിക, സിദ്ധാർത്ഥൻ പരുത്തിക്കാട്, ചവറ കെഎസ് പിള്ള, എംഎ റഹ്മാൻ എന്നിവർക്കാണ് പുരസ്കാരം. 3000 രൂപയും സാക്ഷിപത്രവുമാണ് സമ്മാനം.
വിധു വിന്‍സെന്റ് (യാത്രാവിവരണം), സംഗീത ശ്രീനിവാസന്‍ (വിവര്‍ത്തനം), ഇന്നസെന്റ് (ഹാസസാഹിത്യം) ശ്രീജിത്ത് പൊയില്‍ക്കാവ് (നാടകം), ടി കെ ആനന്ദി (വൈജ്ഞാനിക സാഹിത്യം), ഡോ പി സോമന്‍ (സാഹിത്യ വിമര്‍ശനം), കെ രഘുനാഥന്‍ (ജീവചരിത്രം-ആത്മകഥ), അനിത തമ്പി, പ്രിയ എ എസ് ബാലസാഹിത്യം, എന്നിവരാണ് മറ്റ് പുരസ്കാരങ്ങൾ നേടിയവർ.
