ടാറിങ്ങിൽ ഉപയോഗിക്കേണ്ട തെർമോപ്ലാസ്റ്റിക് പെയിന്റ്, റോഡ് സ്റ്റഡ് എന്നീ ഇനങ്ങളിൽ കുറവുവരുത്തിയെന്നാണ് കണ്ടെത്തൽ. ജി സുധാകരൻ മന്ത്രിയായിരിക്കെയാണ് എഎം ആരിഫ് പരാതി നൽകിയത്.
ആരിഫിന്റെ പരാതിയിൽ ഒരു വർഷം മുമ്പുതന്നെ അന്വേഷണം നടത്തിയിട്ടുണ്ടെന്നാണ് പൊതുമരാമത്ത് വകുപ്പ് വ്യക്തമാക്കുന്നത്. ഒരിക്കൽ അന്വേഷിച്ചു തള്ളിയ പരാതിയാണ് എംപി വീണ്ടും ഉയർത്തുന്നതെന്നും മുമ്പ് അന്വേഷണം നടത്തിയിരുന്നു എന്നത് മറച്ചുവെച്ചെന്നും എക്സിക്യൂട്ടീവ് എഞ്ചിനീയർ പറയുന്നു.
മഴക്കാലത്ത് റോഡ് പൊട്ടിപ്പൊളിയാൻ കാരണം നിർമ്മാണത്തിലെ അപാകതയാണ്. കേന്ദ്രം ഫണ്ട് വെട്ടിച്ചുരുക്കിയത് തിരിച്ചടിയായെന്നും റിപ്പോർട്ടിൽ പറയുന്നു. എസ്റ്റിമേറ്റ് തുക 44.34 കോടിയിൽ നിന്നും 41.7 1 കോടിയായി കുറച്ചെന്നും റിപ്പോർട്ടിൽ പറയുന്നു.
ദേശീയപാത 66 ൽ അരൂർ മുതൽ ചേർത്തല വരെയുള്ള 23.6 കിമി റോഡ് പുനർനിർമിച്ചതിൽ ക്രമക്കേട് ഉണ്ടെന്നാണ് ആരിഫ് ആരോപിക്കുന്നത്. ഇതു ചൂണ്ടിക്കാട്ടി പൊതുമരാമത്ത് മന്ത്രി പിഎ മുഹമ്മദ് റിയാസിനാണ് ആരിഫ് കത്ത് നൽകിയത്.
