പെരുമ്പാവൂർ > തടി ലോറിയിടിച്ച് ബൈക്ക് യാത്രക്കാരൻ മരിച്ചു. മുടിക്കൽ ചിറയൻ പാടം വടക്കൻ വീട്ടിൽ അലിയാണ് (32 ) മരിച്ചത്. വെള്ളിയാഴ്ച പുലർച്ചെ നാലിന് പാലക്കാട്ടുതാഴം പാലത്തിന് സമീപം തടി കയറ്റിവന്ന ലോറി ബൈക്കിന്റെ പിന്നിലിടിച്ചാണ് അപകടം.
സൗദി അറേബ്യയിൽ ജോലിയുള്ള അലി തിരികെ പോകാനുള്ള വിമാന ടിക്കറ്റെടുക്കാനുള്ള യാത്രക്കിടെയാണ് അപകടം. കോഴിക്കോടേക്ക് പോകുന്നതിനായി ബൈക്കിൽ പെരുമ്പാവൂർ കെഎസ്ആർടിസി ബസ് സ്റ്റാന്റിലേക്ക് വരികയായിരുന്നു. ആശുപത്രിയിലെത്തിച്ചെങ്കിലും മരിച്ചു. കുഞ്ഞു മുഹമ്മദിന്റെയും റുഖിയയുടെയും മകനാണ്. ഭാര്യ: നൗഫിയ.
