ജ്വല്ലറി പരസ്യങ്ങളിൽ വധുവിന്റെ 
ചിത്രം ഒഴിവാക്കിക്കൂടേയെന്ന്‌ ഗവർണർ

കൊച്ചി
ജ്വല്ലറി പരസ്യങ്ങളിൽ വധുവിന്റെ ചിത്രം നൽകുന്നത് ഒഴിവാക്കിക്കൂടേയെന്ന് ഗവർണർ ആരിഫ് മൊഹമ്മദ് ഖാൻ. സമൂഹത്തിൽ സ്ത്രീധനസമ്പ്രദായം ഒഴിവാക്കാനാണ് ജ്വല്ലറി ഉടമകളോട് ഈ അഭ്യർഥനയെന്നും ഫിഷറീസ് സർവകലാശാല ബിരുദദാന ചടങ്ങിനെത്തിയ ഗവർണർ വാർത്താലേഖകരോട് പറഞ്ഞു. ഗവർണറുടെ നിർദേശപ്രകാരം ചടങ്ങിൽ സ്ത്രീധനവിരുദ്ധ പ്രസ്താവന കൈമാറിയ വിദ്യാർഥികളെ അദ്ദേഹം അഭിനന്ദിച്ചു.