കാസര്‍കോട്: ഫാഷൻ ഗോൾഡ് നിക്ഷേപത്തട്ടിപ്പു കേസിൽ പ്രതിയായ ടി കെ കീഴടങ്ങി. മുസ്‌ലിം ലീഗ് നേതാവാണ് ഇദ്ദേഹം. കാസര്‍കോട് ഹൊസ്ദുര്‍ഗ് കോടതിയിലാണ് പൂക്കോയ തങ്ങൾ കീഴടങ്ങിയതെന്ന് വിവിധ മാധ്യമങ്ങൾ റിപ്പോർട്ട് ചെയ്തു. ഫാഷൻ ഗോൾഡ് ജ്വല്ലറിയുടെ മാനേജിങ് ഡയറക്ടറായിരുന്ന ഇയാൾ മാസങ്ങളായി ഒളിവിലായിരുന്നു.
തട്ടിപ്പ് കേസിൽ പൂക്കോയ തങ്ങൾ ഒളിവിൽ പോയതിന് പിന്നാലെ പോലീസ് ഇയാള്‍ക്കായി ലുക്ക്ഔട്ട് നോട്ടീസ് പുറപ്പെടുവിപ്പിച്ചിരുന്നു. കേസിലെ മറ്റൊരു പ്രതിയായ പൂക്കോയ തങ്ങളടെ മകന്‍ ഹിഷാമിനെ ഇതുവരെയും കണ്ടെത്താനായിട്ടില്ല. ചന്തേര, കാസര്‍കോട്, പയ്യന്നൂര്‍ പോലീസ് സ്റ്റേഷനുകളിലായാണ് പൂക്കോയ ഇവർക്കെതിരെ കേസുകളുള്ളത്.
Also Read :
കേസിൽ മഞ്ചേശ്വരം മുന്‍ എംഎല്‍എയും ഫാഷൻ ഗോൾഡ് ചെയർമാനുമായ എംസി കമറുദീൻ നേരത്തെ റിമാൻഡിലായിരുന്നു. നിലവിൽ അദ്ദേഹം ജാമ്യത്തിലാണ്. കമറുദ്ദീൻ കേസിൽ അറസ്റ്റിലായതിന് പിന്നാലെയാണ് പൂക്കോയ തങ്ങൾ ഒളിവിൽ പോയിരുന്നത്.
ക്രൈംബ്രാഞ്ച് പ്രത്യേക സംഘമാണ് അന്വേഷിക്കുന്നത്. തട്ടിപ്പുമായി ബന്ധപ്പെട്ട് നിക്ഷേപകരുടെ പരാതിയെ തുടർന്ന് നൂറിലേറെ കേസുകളാണ് രജിസ്റ്റർ ചെയ്തിരിക്കുന്നത്.
