അടുത്ത 24 മണിക്കൂറിൽ ന്യൂനമർദ്ദം ശക്തിപ്പെടുമെന്നാണ് റിപ്പോർട്ട്. ഇതോടെ വടക്കൻ ജില്ലകളിൽ ശക്തമായ മഴയ്‌ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം വ്യക്തമാക്കി. സംസ്ഥാനത്ത് കാലവർഷം എത്തിയിട്ടും മഴ ശക്തമാക്കാത്ത സാഹചര്യം തുടരുകയാണ്. വിവിധ ജില്ലകളിൽ ഇടവിട്ട രീതിയിൽ മഴ പെയ്യുന്നുണ്ടെങ്കിലും ശക്തമാകുന്നില്ല.
കേന്ദ്ര കാലാവസ്ഥ നിരീക്ഷണ കേന്ദ്രം നൽകിയ റിപ്പോർട്ട് മഴ ശക്തമായാൽ കേരളത്തിൽ ദുർബലമായ മൺസൂൾ കരുത്താർജ്ജിച്ചേക്കും. വിവിധ ജില്ലകളിൽ ഓറഞ്ച്, യെല്ലോ അലേർട്ടുകൾ പ്രഖ്യാപിച്ചിട്ടുണ്ട്. ജൂൺ 14 തിങ്കളാഴ്ച ആറ് ജില്ലകളിലാണ് ഓറഞ്ച് അലേർട്ട്. കേരള തീരത്ത് ജൂൺ പത്ത് മുതൽ 11.30വരെ 2.5 മുതൽ 3.2 മീറ്റർ വരെ ഉയരത്തിൽ തിരമാലയ്‌ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം വ്യക്തമാക്കിയിരുന്നു. ജൂൺ 11 മുതൽ 13വരെ മത്സ്യ ബന്ധനത്തിന് പോകരുതെന്നും മത്സ്യബന്ധനത്തിനായി ഉപയോഗിക്കുന്ന ബോട്ടുകൾ, വള്ളങ്ങൾ എന്നിവ സുരക്ഷിതമായ സ്ഥലങ്ങളിലേക്ക് മാറ്റണമെന്നും നിർദേശമുണ്ട്.
11-06-2021 മുതൽ 13-06-2021 വരെ കേരള-കർണാടക തീരത്തും, ലക്ഷദ്വീപ് പ്രദേശങ്ങളിലും മണിക്കൂറിൽ 40 മുതൽ 50 കി.മീ. വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
