ന്യൂഡല്ഹി> ‘ഓപ്പറേഷന് അജയ് ‘ യുടെ ഭാഗമായി ഇസ്രയേലില് നിന്നും ഇന്ത്യക്കാരുമായുള്ള രണ്ടാം വിമാനം നാളെ രാവിലെ 5.30 ന് ന്യൂഡല്ഹി ഇന്ദിര ഗാന്ധി അന്താരാഷ്ട്ര വിമാനത്താവളത്തില് എത്തും. കേരളത്തില് എത്തുന്നതിന് താല്പര്യം അറിയിച്ച് കേരള ഹൗസ് വെബ്സൈറ്റില് 20 പേര് രജിസ്റ്റര് ചെയ്തിട്ടുണ്ട്. 16 മലയാളികള് ഫ്ളൈറ്റില് എത്തുന്നതായാണ് വിവരം ലഭിച്ചിട്ടുള്ളത്.
അതേസമയം, ഇസ്രയേലിന്റെ യുദ്ധഭൂമിയില് നിന്ന് ആദ്യസംഘത്തിലെ മലയാളികള് തിരികെയെത്തി. അഞ്ചുപേര് നോര്ക്ക വഴിയും രണ്ടുപേര് സ്വന്തം നിലയിലുമാണ് തിരികെ നാട്ടിലെത്തിയത്. ഇസ്രയേലില് വീണ്ടും സമാധാനം പുനഃസ്ഥാപിച്ചാല് തിരികെ പോകാനാകുമെന്ന് വിദ്യാര്ഥികള് മാധ്യമങ്ങളോട് പ്രതികരിച്ചു.
