കൊച്ചി > ചാമ്പ്യൻസ് ബോട്ട് ലീഗ് മൂന്നാംപതിപ്പിന്റെ മത്സര വള്ളംകളിക്ക് 16ന് മറൈൻഡ്രൈവിൽ തുടക്കമാകും. മറൈൻഡ്രൈവ്, പിറവം എന്നിവിടങ്ങളിലാണ് സിബിഎൽ മത്സരങ്ങൾ. പിറവത്ത് മുപ്പതിനാണ് വള്ളംകളി. സിബിഎല്ലിന്റെ അനുബന്ധ പരിപാടിയായി ചെറുവള്ളങ്ങളുടെ മത്സരങ്ങളും മറൈൻഡ്രൈവിൽ സംഘടിപ്പിക്കും.
16ന് ആരംഭിക്കുന്ന ചാമ്പ്യൻസ് ബോട്ട് ലീഗിന്റെ ഉദ്ഘാടനവേദികൂടിയായ മറൈൻഡ്രൈവിൽ സാങ്കേതികസമിതിയുടെ നേതൃത്വത്തിൽ ട്രാക്കിന്റെ പരിശോധന പുരോഗമിക്കുകയാണ്. ട്രാക്കിന്റെ ചില ഭാഗങ്ങളിൽ എക്കൽ മണ്ണ് അടിഞ്ഞിട്ടുണ്ട്. മണ്ണ് നീക്കംചെയ്ത് കായലിന്റെ ആഴം കൂട്ടുന്നതിനുള്ള ജോലികൾ ഉടൻ ആരംഭിക്കും.
യോഗത്തില് ടി ജെ വിനോദ് എംഎൽഎ അധ്യക്ഷനായി. ജിസിഡിഎ ചെയര്മാന് കെ ചന്ദ്രന്പിള്ള, കലക്ടർ എൻ എസ് കെ ഉമേഷ്, ടൂറിസം റീജണല് ജോയിന്റ് ഡയറക്ടര് എ ഷാഹുല് ഹമീദ്, ടൂറിസം ഡെപ്യൂട്ടി ഡയറക്ടര് സത്യജിത് ശങ്കര്, കേശവകുറുപ്പ്, എ എം ഇക്ബാല്, കെ കെ ഷാജു എന്നിവർ സംസാരിച്ചു.
