സീനിയർ ഫുട്‌ബോളിന്‌ ഇന്ന്‌ തുടക്കം

മലപ്പുറം
സംസ്ഥാന സീനിയർ ഫുട്ബോൾ ചാമ്പ്യൻഷിപ്പിന് ഇന്ന് തുടക്കം. മലപ്പുറം കോട്ടപ്പടി സ്റ്റേഡിയമാണ് വേദി. രാവിലെ ഏഴിന് ആദ്യമത്സരത്തിൽ കണ്ണൂർ ആലപ്പുഴയെ നേരിടും. വൈകിട്ട് നാലിന് എറണാകുളം ഇടുക്കിയുമായി ഏറ്റുമുട്ടും. നിലവിലെ ജേതാക്കളായ കാസർകോടും റണ്ണേഴ്സപ്പായ മലപ്പുറവും ക്വാർട്ടർ ഫൈനലിലേക്ക് നേരിട്ട് യോഗ്യത നേടിയിട്ടുണ്ട്. കണ്ണൂർ–ആലപ്പുഴ മത്സരത്തിലെ വിജയികളുമായാണ് കാസർകോടിന് ക്വാർട്ടർ. വയനാട്–-കോട്ടയം മത്സരത്തിലെ വിജയികളുമായി ആറിനാണ് മലപ്പുറത്തിന്റെ മത്സരം. ഏഴ്, എട്ട് തീയതികളിൽ സെമിഫൈനലും ഒമ്പതിന് ഫൈനലും ലൂസേഴ്സ് ഫൈനലും നടക്കും.