മാഞ്ചസ്റ്റർ
മാഞ്ചസ്റ്ററിൽ അഞ്ചാംദിനം മഴകാരണം ഒരുപന്തുപോലും എറിയാൻ സാധിക്കാത്തതോടെ ഇംഗ്ലണ്ടിന്റെ ആഷസ് സ്വപ്നം അവസാനിച്ചു. ടെസ്റ്റ് ക്രിക്കറ്റ് പരമ്പരയിൽ ഒരുമത്സരം ശേഷിക്കെ ഓസ്ട്രേലിയ ആഷസ് നിലനിർത്തി. 2–-1ന് മുന്നിലാണ് ഓസീസ്. അവസാന ടെസ്റ്റ് ഇംഗ്ലണ്ട് ജയിച്ചാലും ഓസീസിന് കിരീടം നഷ്ടമാകില്ല. ഇംഗ്ലണ്ട് അവസാനമായി ആഷസ് നേടിയത് 2015ലാണ്.
ആദ്യ രണ്ട് ടെസ്റ്റിലും ഓസീസിനായിരുന്നു ജയം. മൂന്നാംടെസ്റ്റിൽ ഇംഗ്ലണ്ട് തിരിച്ചുവന്നു. നാലാംമത്സരത്തിലും ഇംഗ്ലണ്ടിനായിരുന്നു ആധിപത്യം. എന്നാൽ, അവസാന രണ്ടുദിവസവും മഴ പെയ്തതോടെ കളി സമനിലയിൽ അവസാനിക്കുകയായിരുന്നു. ഇരുപത്തേഴിന് കെനിങ്ടൺ ഓവലിലാണ് അഞ്ചാംടെസ്റ്റ്.
