ലീഗ് എന്തു ചെയ്യും?

കേരളത്തിലെ ഒരു വലിയ വിഭാഗം മുസ്ലിംകളുടെ പിന്തുണയുള്ള പാർട്ടി തന്നെയാണ് ലീഗ്. സിമി മുതൽ പോപ്പുലർ ഫ്രണ്ട് വരെ പല രാഷ്ട്രീയധാരകൾ പേറുന്ന സംഘടനകൾ വന്നപ്പോഴും ലീഗ് അതിജീവിച്ചത് പാണക്കാട് തങ്ങൾ കുടുംബത്തിന് രാജ്യത്തിനകത്തും, പുറത്തുമുള്ള മനുഷ്യരുടെ ബഹുമാനവും, സി. എച്ച്. മുഹമ്മദ് കോയ, ശിഹാബ് തങ്ങൾ തുടങ്ങിയവരടക്കമുള്ള നേതാക്കളുടെ രാഷ്ട്രീയ ഇടപെടലുകളുമാണ്. എന്നാൽ ബാബരി മസ്ജിദ് ധ്വംസനത്തിനു ശേഷം വർധിച്ച ലീഗിലെ അസ്വാരസ്യങ്ങൾ പ്രധാനമായും 3 ദിശയിലേക്ക് കാര്യങ്ങളെ കൊണ്ടെത്തിച്ചു.