മെല്ബണ്> ട്വന്റി 20 ലോകകപ്പ് ഫൈനലില് പാകിസ്ഥാനെ അഞ്ചു വിക്കറ്റിന് തകർത്ത് ഇംഗ്ലണ്ടിന് കിരീടം. പാകിസ്ഥാൻ ഉയർത്തിയ 138 റൺസ് വിജയലക്ഷ്യം 19 ഓവറിൽ ഇംഗ്ലണ്ട് മറികടന്നു. സ്കോർ: പാകിസ്ഥാൻ 137/8. ഇംഗ്ലണ്ട് 138/5 (19).
49 പന്തിൽ 52 റൺസെടുത്ത ബെന് സ്റ്റോക്സ് ആണ് ഇംഗ്ലണ്ടിനെ വിജയത്തിലേക്ക് നയിച്ചത്. ചെറിയ വിജയലക്ഷ്യം പിന്തുടർന്ന ഇംഗ്ലണ്ടിന് തുടക്കം പിഴച്ചു. അലക്സ് ഹെയ്ൽസ് (രണ്ട് പന്തിൽ ഒന്ന്), ഫിലിപ് സാള്ട്ട് (ഒൻപതു പന്തിൽ പത്ത്) എന്നിവരെ തുടക്കത്തിലെ നഷ്ടമായി. ക്യാപ്റ്റൻ ജോസ് ബട്ലർ (17 പന്തിൽ 26), ഹാരി ബ്രൂക്ക് (23 പന്തിൽ 20), മൊയീൻ അലി (13 പന്തിൽ 19), ലിയാം ലിവിങ്സ്റ്റണ് (1 പന്തിൽ 1) എന്നിങ്ങനെയാണ് മറ്റുള്ളവരുടെ സംഭാവന.
ടോസ് നഷ്ടപ്പെട്ട് ആദ്യ ബാറ്റിങ്ങിനിറങ്ങിയ പാകിസ്താന് 20 ഓവറില് എട്ടു വിക്കറ്റ് നഷ്ടത്തില് 137 റണ്സെടുക്കാനേ സാധിച്ചുള്ളൂ. 38 റൺസെടുത്ത ഷാൻ മസൂദാണു പാക്കിസ്ഥാൻ നിരയിലെ ടോപ് സ്കോറർ. ക്യാപ്റ്റൻ ബാബർ അസം 28 പന്തിൽ 32 റൺസെടുത്തു. നാല് ഓവറില് വെറും 10 റണ്സ് മാത്രം വഴങ്ങി മൂന്ന് വിക്കറ്റ് വീഴ്ത്തിയ സാം കറനാണ് ഇംഗ്ലീഷ് ബൗളര്മാരില് തിളങ്ങിയത്. ആദില് റഷീദും ക്രിസ് ജോര്ദനും രണ്ടു വിക്കറ്റ് വീഴ്ത്തി.
