മലപ്പുറം> ദേശാഭിമാനി എൺപതാം വാർഷിക ഭാഗമായി സംഘടിപ്പിക്കുന്ന മലപ്പുറം മഹോത്സവത്തിനുള്ള രജിസ്ട്രേഷൻ തുടങ്ങി. ഡിസംബർ മൂന്ന്, നാല് തീയതികളിൽ എംഎസ്പി ഹയർ സെക്കൻഡറി സ്കൂളിൽ നടക്കുന്ന സെമിനാറിൽ വിവിധ മേഖലകളിലെ ഗവേഷകരുൾപ്പെടെയുള്ളവർ പ്രബന്ധം അവതരിപ്പിക്കും.
മലപ്പുറത്തിന്റെ ചരിത്രത്തെയും വർത്തമാനത്തെയും ശരിയായി അടയാളപ്പെടുത്തുന്നതാകും സെമിനാർ.
രജിസ്ട്രേഷൻ കമ്മിറ്റി യോഗം ചേർന്ന് 20നകം രജിസ്ട്രേഷൻ നടപടി പൂർത്തിയാക്കാൻ തീരുമാനിച്ചു. സെമിനാറുകളിൽ പങ്കെടുക്കാൻ മലപ്പുറം പ്രസ് ക്ലബ്ബിലെ സംഘാടക സമിതി ഓഫീസ്, ദേശാഭിമാനി മലപ്പുറം യൂണിറ്റ് ഓഫീസ് എന്നിവിടങ്ങളിൽ നേരിട്ടും ദേശാഭിമാനി വെബ്സൈറ്റിൽ കയറി ഓൺലൈനിലും രജിസ്റ്റർ ചെയ്യാം. മുതിർന്നവർക്ക് 100 രൂപയും വിദ്യാർഥികൾക്ക് 10 രൂപയുമാണ് രജിസ്ട്രേഷൻ ഫീസ്.
ഓൺലൈൻ വഴി രജിസ്റ്റർ ചെയ്യുന്നവർക്ക് ക്യുആർ കോഡ് സ്കാൻ ചെയ്തും ഓഫീസുകളിൽ രജിസ്റ്റർ ചെയ്യുന്നവർക്ക് നേരിട്ടും തുക അടയ്ക്കാം. രണ്ടുദിവസത്തെ സെമിനാറിൽ അവതരിപ്പിക്കുന്ന പ്രബന്ധങ്ങളുടെ പകർപ്പ്, ഭക്ഷണം എന്നിവ സംഘാടക സമിതി നൽകും.
രജിസ്റ്റർ ചെയ്യാനുള്ള ലിങ്ക്: www.deshabhimani.com/malappurammaholsavam/
