തിരുവനന്തപുരം
2006ൽ ആർഎസ്എസിന്റെ ഗോൾവാൾക്കർ ജന്മശതാബ്ദി ഉദ്ഘാടനം ചെയ്ത കാര്യം തനിക്ക് ഓർമയില്ലെന്ന് പ്രതിപക്ഷനേതാവ് വി ഡി സതീശൻ മാധ്യമപ്രവർത്തകരോട് പറഞ്ഞു. |
2013ൽ ആർഎസ്എസ് സംഘടിപ്പിച്ച പരിപാടിയിൽ പങ്കെടുത്തുവെന്നും സമ്മതിച്ചു. ആർഎസ്എസ് വോട്ട് തേടി നേതാക്കളെ കണ്ടെന്ന ഹിന്ദു ഐക്യവേദി ജനറൽ സെക്രട്ടറി ആർ വി ബാബുവിന്റെ വെളിപ്പെടുത്തലിനെക്കുറിച്ചുള്ള ചോദ്യത്തിൽനിന്ന് ഒഴിഞ്ഞുമാറി. നിയമനടപടി സ്വീകരിക്കുന്നതിനെക്കുറിച്ചും മൗനം. ‘തൃശൂരിൽ നടന്ന പുസ്തക പ്രകാശന ചടങ്ങിലേക്ക് മാതൃഭൂമി എംഡിയായിരുന്ന എം പി വീരേന്ദ്രകുമാറിന്റെ നിർദേശപ്രകാരമാണ് തന്നെ ക്ഷണിച്ചത്. അന്നത്തെ പ്രതിപക്ഷ നേതാവായിരുന്ന വി എസ് അച്യുതാനന്ദൻ തിരുവനന്തപുരത്ത് പ്രകാശനംചെയ്ത അതേ പുസ്തകമാണ് തൃശൂരിൽ താൻ പ്രകാശനം ചെയ്തത്’– സതീശൻ പറഞ്ഞു.
