കൊച്ചി
മുൻ ഡിജിപി ആർ ശ്രീലേഖയും നടിയെ ആക്രമിച്ച കേസിലെ എട്ടാംപ്രതി നടൻ ദിലീപും തമ്മിലുള്ള വാട്സാപ് ചാറ്റ് പുറത്ത്. ഇരുവരും തമ്മിലുള്ള അടുത്തബന്ധം തെളിയിക്കുന്ന ചാറ്റ് സ്വകാര്യ ചാനലുകളാണ് പുറത്തുവിട്ടത്.
സമയം കിട്ടുമ്പോൾ ശ്രീലേഖയോട് വിളിക്കാൻ ദിലീപ് ആവശ്യപ്പെടുന്നുണ്ട്. തന്റെ യുട്യുബ് ചാനൽ സമയം കിട്ടുമ്പോൾ കണ്ടുനോക്കാനും സബ്സ്ക്രൈബ് ചെയ്യാനും പറഞ്ഞശേഷം ദിലീപുമായുള്ള സംസാരം രസകരമായിരുന്നെന്നും ശ്രീലേഖ പറയുന്നുണ്ട്. നടിയെ ആക്രമിച്ച കേസിൽ ദിലീപ് പ്രതിയല്ലെന്നാണ് താൻ കരുതുന്നതെന്ന് ശ്രീലേഖ പറഞ്ഞിരുന്നു. ഇത് ചർച്ചയാകുന്നതിനിടെയാണ് ഇരുവരും തമ്മിലുള്ള വാട്സാപ് ചാറ്റ് പുറത്തുവന്നിരിക്കുന്നത്.
ക്രൈംബ്രാഞ്ച് ശ്രീലേഖയെ ചോദ്യംചെയ്യും
കൊച്ചി
നടിയെ ആക്രമിച്ച കേസ് അന്വേഷണത്തെക്കുറിച്ച് വിവാദ വെളിപ്പെടുത്തൽ നടത്തിയ മുൻ ഡിജിപി ആർ ശ്രീലേഖയെ ക്രൈംബ്രാഞ്ച് ചോദ്യം ചെയും.
കേസിനെ ബാധിക്കുന്ന തരത്തിൽ ആരോപണം ഉയർത്തിയ പശ്ചാത്തലത്തിലാണ് നടപടി. ശ്രീലേഖ ഉന്നയിച്ച ആരോപണങ്ങൾ അടിസ്ഥാന രഹിതമാണെന്ന് ക്രൈംബ്രാഞ്ച് പറയുന്നു. കേസിൽ ദിലീപിന് എതിരെയുള്ള തെളിവുകൾ കോടതിയിൽ സമർപ്പിച്ചിട്ടുണ്ട്. ഒന്നാം പ്രതിയായ പൾസർ സുനിയും ദിലീപും തമ്മിൽ ബന്ധമുണ്ടെന്നും അന്വേഷണ സംഘം വ്യക്തമാക്കി.
ഇതിന് പുറമേ ആർ ശ്രീലേഖക്കെതിരെ പ്രോസിക്യൂഷൻ കോടതിയല ക്ഷ്യനടപടിക്കൊരുങ്ങുകയാണ്. കഴിഞ്ഞ ദിവസമാണ് ആർ ശ്രീലേഖ തന്റെ യൂട്യൂബ് ചാനലിലൂടെ നടിയെ ആക്രമിച്ച കേസിൽ ചില ആരോപണങ്ങൾ ഉന്നയിച്ചത്.
