കൊച്ചി
ടീസ്ത സെതൽവാദിനും ആർ ബി ശ്രീകുമാറിനും എതിരായ പരാമർശങ്ങളും നിയമനടപടികളും നീതിപീഠത്തിൽ ജനങ്ങൾക്കുള്ള വിശ്വാസം തകർക്കുമെന്ന് പ്രമുഖ എഴുത്തുകാരൻ എൻ എസ് മാധവൻ.
നീതി ആഗ്രഹിക്കുന്നവരുടെ അവസാന ശരണകേന്ദ്രമാണ് കോടതി. ഗുൽബർഗ് കേസ് പുനരന്വേഷണ ഹർജിയിലെ വിധി ജനങ്ങളെ നിരാശരാക്കും. ഇത്തരം കേസുകളുമായി വരുന്നവർ രണ്ടാമതൊന്നുകൂടി ചിന്തിക്കണം എന്നതാണ് സൂചന. കേസ് നൽകിയതിന് പരാതിക്കാർക്കെതിരെ പൊലീസ് കേസെടുത്ത് ജയിലിലടയ്ക്കുന്നത് കേട്ടുകേൾവിയില്ലാത്തതാണ്. കേസിൽ തെറ്റുണ്ടെങ്കിൽ കോടതിക്കുതന്നെ അവരെ ശിക്ഷിക്കാം. പക്ഷേ, അതല്ല ഉണ്ടായതെന്നും എൻ എസ് മാധവൻ പറഞ്ഞു.
