ടോക്യോ> ജപ്പാനെതിരായ സൗഹൃദ ഫുട്ബോളിൽ ബ്രസീലിന് ഒരു ഗോൾ ജയം. കളിയുടെ അവസാനഘട്ടത്തിൽ നെയ്മറിന്റെ പെനൽറ്റി ഗോളിലാണ് ബ്രസീൽ ജയം നേടിയത്. നെയ്മറുടെ 74–ാം രാജ്യാന്തര ഗോളാണിത്.
കളിയിൽ പൂർണമായും ആധിപത്യം നേടിയെങ്കിലും ബ്രസീലിന് തുടക്കത്തിൽ ലക്ഷ്യം കാണാനായില്ല. ലൂകാസ് പക്വേറ്റയുടെ ഷോട്ട് പോസ്റ്റിൽ തട്ടിത്തെറിച്ചു. റിച്ചാർലിസണെ ജപ്പാൻ പ്രതിരോധം ബോക്സിൽ വീഴ്ത്തിയതിനായിരുന്നു പെനൽറ്റി. നെയ്മർ അനായാസം ലക്ഷ്യം കണ്ടു. തോൽവിയറിയാതെയുള്ള പതിമൂന്നാം മത്സരമായിരുന്നു ബ്രസീലിന്. 11ന് അർജന്റീനയുമായാണ് അടുത്ത മത്സരം.
