കോവിഡ് വ്യാപനം : ഷാങ്ഹായിലെ ഇന്ത്യന്‍ കോണ്‍സുലേറ്റ്‌ നേരിട്ടുള്ള പ്രവർത്തനം നിർത്തി

ബീജിങ്
ചൈനയില് കോവിഡ് രോഗികളുടെ എണ്ണം കുതിച്ചതോടെ ഷാങ്ഹായിലുള്ള ഇന്ത്യന് കോണ്സുലേറ്റ് ഓഫീസില് നേരിട്ടെത്തിയുള്ള ഇടപാടുകൾ താൽക്കാലികമായി നിര്ത്തി. കിഴക്കന് ചൈനയിലുള്ള ഇന്ത്യക്കാര്ക്ക് ബീജിങ്ങിലുള്ള ഓഫീസില്നിന്ന് അത്യാവശ്യ സേവനങ്ങള് ലഭ്യമാക്കുമെന്നും ഔദ്യോ​ഗിക കുറിപ്പില് അറിയിച്ചു. 1000 ഇന്ത്യക്കാരാണ് ഇപ്പോള് ന​ഗരത്തിലുള്ളത്. ഇവര്ക്കുള്ള സേവനങ്ങള് ലഭ്യമാക്കാന് കോണ്സുലേറ്റിലെ 22 ഉദ്യോ​ഗസ്ഥരും വീടുകളില്നിന്ന് പ്രവര്ത്തിക്കുന്നുണ്ടെന്ന് കോണ്സുല് ജനറല് ഡി നന്ദകുമാര് അറിയിച്ചു. വ്യാപക മാരകശേഷിയുള്ള കോവിഡിന്റെ ബിഎ ടു വകഭേദമാണ് ചൈനയില് സ്ഥിരീകരിച്ചിട്ടുള്ളത്. ഇതേത്തുടര്ന്ന് അടച്ചിടലും പ്രഖ്യാപിച്ചിട്ടുണ്ട്. ബുധനാഴ്ച 1189 പേർക്ക് രോഗം സ്ഥിരീകരിച്ചു. ലക്ഷണങ്ങളില്ലാത്ത 25,141 രോഗികൾകൂടി ഉണ്ടായതോടെ ഷാങ്ഹായ് ന​ഗരത്തില് രോഗികളുടെ എണ്ണം 26,000 കടന്നു.