ബാഴ്‌സ മുന്നോട്ട്‌

മാഡ്രിഡ്
പരിക്കുസമയം പകരക്കാരൻ ലൂക്ക് ഡി യോങ് കുറിച്ച ഗോളിൽ ബാഴ്സലോണ ജയം തുടർന്നു. സ്പാനിഷ് ലീഗിൽ ലെവന്റെയെ 3–-2ന് കീഴടക്കി. പിയറി എമെറിക് ഒബമയങ്, പെഡ്രി എന്നിവരാണ് മറ്റ് ഗോളുകൾ നേടിയത്. തുടർച്ചയായ ഏഴാം ജയമാണിത്. പെനൽറ്റിയിലൂടെയാണ് ലെവന്റെയുടെ ഗോളുകൾ. മൂന്നെണ്ണം ലഭിച്ചതിൽ ഹോസെ മൊറാലെസും ഗൊൺസാലോ മെലെറൊയും ലക്ഷ്യത്തിലെത്തിച്ചു. റോജെർ മാർടിയുടെ കിക്ക് ബാഴ്സ ഗോളി മാർക് ആന്ദ്രെ ടെർസ്റ്റെഗെൻ രക്ഷപ്പെടുത്തി.