ഡാർവിൻ : ഡാർവിന്റെ സ്വന്തം ടോമി ജേക്കബ് അന്തരിച്ചു. ഡാർവിൻ മലയാളി അസോസിയേഷൻ പ്രസിഡൻ്റ് കൂടിയായ ശ്രീ ടോമി ജേക്കബ് ഡാർവിനിലെ സാമൂഹ്യ സാംസ്കാരിക മേഖലകളിൽ തൻ്റെതായ വ്യക്തിമുദ്ര പതിപ്പിച്ച ബഹുമുഖ പ്രതിഭയായിരുന്നു അദ്ദേഹം. നല്ലൊരു ഗായകനായും, നല്ലൊരു സംഘാടകനായും, മനുഷ്യ നന്മയ്ക്ക്കായി അണിയിച്ചൊരുക്കിയ ടെലി ഫിലിമുകളിലൂടെയും, വ്യക്തിമുദ്ര പതിപ്പിച്ച ടോമിയുടെ നിര്യാണം ഓസ്‌ട്രേലിയയിലും , അദ്ദേഹം മുൻപ്രവാസം അനുഷ്‌ഠിച്ച അയർലണ്ടിലും , ലോകത്തിന്റെ പല ഭാഗത്തുമുള്ള അദ്ദേഹത്തിന്റെ ബന്ധുമിത്രാദികളെ കണ്ണീരിലാഴ്ത്തിയിരിക്കുകയാണ്.
വീട്ടില്‍ വച്ച് കുഴഞ്ഞുവീണ ശേഷം മരണം സംഭവിക്കുകയായിരുന്നുവെന്നാണ് അറിയാൻ കഴിഞ്ഞത്. മരണ കാരണം ഹൃദയാഘാതമാണെന്നാണ് കരുതുന്നത്. നാട്ടില്‍ കോതമഗംലം സ്വദേശിയാണ്.
ഡാർവിനിലെ സാമൂഹിക സാംസ്കാരിക മേഖലകളിൽ അറിയപ്പെടുന്ന വ്യക്തിത്വമായിരുന്ന ടോമി ഈ അടുത്ത കാലത്ത് സംവിധാനം നിർവഹിച്ച ഷോർട് ഫിലിം ‘ആത്മനൊമ്പരം’ യൂട്യൂബിൽ റിലീസ് ചെയ്തിരുന്നു.
YouTube Link is below.
ഡാർവിൻ മലയാളി സമൂഹത്തിന്റെ ഏതുകാര്യത്തിനും ഒപ്പമുണ്ടായിരുന്ന ടോമി ജേക്കബിൻ്റെ ആകസ്മിക നിര്യാണം, സാമൂഹ്യ സാംസ്കാരിക മേഖലകളിൽ തൻ്റെതായ വ്യക്തിമുദ്ര പതിപ്പിച്ച ബഹുമുഖ പ്രതിഭയായിരുന്ന നല്ലൊരു ഫോട്ടോഗ്രാഫറായും, അതിനെല്ലാമുപരിയായി നല്ലൊരു മനുഷ്യ സ്നേഹിയേയുമാണ് നഷ്ട്ടമാക്കിയിരിക്കുന്നതെന്ന് ഒട്ടേറെപ്പേർ സാമൂഹ്യമാധ്യമങ്ങളിൽ കുറിച്ചു.
അയർലണ്ടിലെ തുലോമോറിൽ നിന്നും ടോമിയും , ഭാര്യയും മൂന്ന് കുട്ടികളുമടങ്ങിയ കുടുംബം ഓസ്‌ട്രേലിയയിലെ ഡാർവിനിലക്ക് മൈഗ്രേറ്റ് ചെയ്യുകയായിരുന്നു.ടുള്ളമോര്‍ മാര്‍ ബസേലിയസ് ഇടവകയുടെ ആരംഭ കാലഘട്ടത്തിലെ പ്രവര്‍ത്തകനും, ഇടവകയിലെ ട്രസ്റ്റിയും, ഭദ്രാസന കൗണ്‍സില്‍ അംഗവും ആയിരുന്ന ടോമി ജേക്കബ് ഓസ്‌ട്രേലിയയിൽ എത്തി , ഡാർവിൻ മലയാളി അസോസിയേഷൻ പ്രസിഡൻ്റ് ആയി സേവനമനുഷ്‌ഠിച്ചു വരികയായിരുന്നു.
