ഒരൊറ്റ ജീവിതമേയുള്ളൂ അതെന്തിന് വിഷമത്തോടെ ജീവിക്കണം. ഇരുവരും തങ്ങളുടെ ശമ്പളത്തിൽ അതൃപ്തരായതിനാൽ ജോലി ഉപേക്ഷിച്ച് ഫുഡ് ബിസിനസ്സ് ആരംഭിക്കാൻ തീരുമാനിച്ചു. രോഹിത്, സച്ചിൻ എന്നിങ്ങനെ പേരുള്ള ഈ രണ്ട് എഞ്ചിനീയർമാരും ‘എഞ്ചിനീയർസ് വെജ് ബിരിയാണി’ എന്ന പേരിൽ ഒരു സ്റ്റാൾ തുടങ്ങി.
രോഹിത് പോളിടെക്‌നിക്കും സച്ചിൻ ബി.ടെക് ബിരുദവും നേടിയിട്ടുണ്ട്. ജോലിയിൽ തൃപ്തനല്ലാത്തതിനെ തുടർന്ന് ബിരിയാണി വിൽക്കുന്നത് ഒരു പക്ഷെ തങ്ങൾക്ക് സന്തോഷം നൽകുമെന്ന് ഇരുവരും വിചാരിച്ചു. ഏതായാലും തീരുമാനം തെറ്റിയില്ല. ഇരുവരും തങ്ങളുടെ പുത്തൻ സംരംഭത്തിൽ സന്തോഷവാന്മാരാണ്.
തങ്ങളുടെ സ്റ്റാൾ സന്തോഷത്തോടൊപ്പം നല്ല പ്രതിഫലം നൽകുകയും ചെയ്യുന്നുവെന്ന് ഇരുവരും അവകാശപ്പെടുന്നു. ഹരിയാനയിലെ സോനിപത്തിലാണ് സ്റ്റാളിൽ ആരംഭിച്ചിരിക്കുന്നത്. തങ്ങളുടെ ബിരിയാണിയിൽ എണ്ണ തീരെ ഉപയോഗിക്കുന്നില്ല എന്നും ഹാഫ് ബിരിയാണിക്ക് 50 രൂപയും ഫുൾ ബിരിയാണിക്ക് 70 രൂപയുമാണ് എന്ന് രോഹിത്, സച്ചിൻ പറയുന്നു. സ്പെഷ്യൽ ഗ്രേവി വെജ് ബിരിയാണി, ആച്ചാരി വെജ് ബിരിയാണി എന്നിങ്ങനെ രണ്ട് വിഭവങ്ങളാണ് വിൽക്കുന്നത്. കൊഴുപ്പില്ലാത്ത ഭക്ഷണം തേടുന്നവർക്കും തങ്ങളുടെ ബിരിയാണി അനുയോജ്യമാണ് എന്നും മികച്ച ഗുണനിലവാരമുള്ള അരിയാണ് തങ്ങൾ ഉപയോഗിക്കുന്നത് എന്നും ഇരുവരും സ്റ്റാളിന് മുന്നിൽ എഴുതിവച്ചിട്ടുണ്ട്.
