മൂന്ന് മാസത്തെ ഇടവേളയുടെ രണ്ടാം ദിവസത്തിലായിരുന്നു ഷെയ്ൻ വോൺ ഹൃദയാഘാതത്തെ തുടർന്ന് മരണമടഞ്ഞതെന്ന് അദ്ദേഹത്തിന്റെ മാനേജർ ജെയിംസ് എർസ്കിൻ പറഞ്ഞു. തായ് വില്ലയിൽ വച്ച് മരണത്തിന് മുമ്പായി, ഷെയ്ൻ വോൺ തന്റെ ഹൃദയത്തെക്കുറിച്ച് ഉള്ള ആശങ്കകൾ ഒരു ഡോക്ടറെ കണ്ട് അഭിപ്രായം ആരാഞ്ഞതായി തായ്‌ലൻഡ് പോലീസ് സ്ഥിരീകരിച്ചു.
ക്രിക്കറ്റ് ഇതിഹാസത്തിന് “അൽപ്പം നെഞ്ചുവേദന” ഉണ്ടായെന്നും, കഴിഞ്ഞ ആഴ്ച ചില നേരങ്ങളിൽ അകാരണമായി വിയർക്കുന്നുണ്ടെന്നും താൻ കണ്ടെത്തിയതായി വോണിന്റെ സുഹൃത്ത് കൂടിയായ എർസ്‌കൈൻ, വെളിപ്പെടുത്തി.
നീണ്ട അവധിയെടുക്കുന്നതിന് മുമ്പ് വോണിന് നെഞ്ചുവേദന അനുഭവപ്പെട്ടിരുന്നുവെന്ന് ശനിയാഴ്ച വൈകി, പോലീസ് വക്താവ് യുട്ടാന സിരിസോമ്പത്ത് ഒരു പത്രസമ്മേളനത്തിൽ പറഞ്ഞു.
“അദ്ദേഹത്തിന് ആസ്ത്മ ഉണ്ടായിരുന്നു, ഹൃദയത്തെക്കുറിച്ച് ആശങ്കകൾ ഉള്ളതായി അദ്ദേഹത്തിന് തോന്നിയതിനാൽ ഒരു ഡോക്ടറെ കണ്ടിരുന്നു,” ബോഫുട്ട് പോലീസ് സ്റ്റേഷനിൽ നിന്നുള്ള സിരിസോമ്പത്ത് പറഞ്ഞു.
“അദ്ദേഹം നാട്ടിലേക്ക് മടങ്ങുമ്പോൾ നെഞ്ചുവേദന അനുഭവപ്പെട്ടിരുന്നു.” വോൺ മരിച്ച ഹോട്ടൽ മുറിയിൽ രക്തക്കറ കണ്ടെത്തിയതായി റിപ്പോർട്ടുണ്ട് – സുഹൃത്തുക്കൾ അവനെ പുനരുജ്ജീവിപ്പിക്കാൻ ശ്രമിച്ചപ്പോൾ വോൺ ശക്തമായി ചുമച്ചിട്ടുണ്ടാകാമായിരിക്കാം .. അപ്പോൾ രക്തം തുപ്പിയതായിരിക്കാം
ഹോട്ടൽ മുറിയിൽ നിന്ന് കണ്ടെടുത്ത രണ്ട് വെള്ളക്കുപ്പികൾ പരിശോധിച്ചുവെങ്കിലും മദ്യം കണ്ടെത്തിയില്ലെന്ന് പോലീസ് പറഞ്ഞു.
അദ്ദേഹത്തിന്റെ മരണത്തിന്റെ സാഹചര്യങ്ങൾ സംശയാസ്പദമായി കണക്കാക്കുന്നില്ല.
വോണിന്റെ മൃതദേഹം ഓസ്ട്രേലിയയിലേക്ക് തിരികെ കൊണ്ടുവരാൻ തായ് അധികൃതരുമായി ചേർന്ന്ഓസ്‌ട്രേലിയൻ വിദേശകാര്യ വകുപ്പ് കാര്യക്ഷമമായി പ്രവർത്തിക്കുന്നു.
വോണിന്റെ മൃതദേഹം എത്രയും വേഗം തിരികെ നൽകുമെന്ന് തായ്‌ലൻഡിലെ ഓസ്‌ട്രേലിയൻ അംബാസഡർ അലൻ മക്കിന്നൻ മാധ്യമപ്രവർത്തകരോട് പറഞ്ഞു.
“ഈ പ്രക്രിയ സുഗമമാക്കുന്നതിനും ഷെയ്ൻ വോണിനെ എത്രയും വേഗം ഓസ്ട്രേലിയയിലേക്ക് തിരികെ എത്തിച്ചതിനും ഇവിടെ ബോഫുട്ട് പോലീസ് സ്‌റ്റേഷനിലെയും കോ സാമുയിയിലെ ഹോസ്പിറ്റലിലെയും സൂപ്രണ്ട് യുട്ടാനയ്‌ക്കും സംഘത്തിനും നന്ദി പറയാൻ ഷെയ്ൻ വോണിന്റെ കുടുംബത്തിനും അദ്ദേഹത്തിന്റെ യാത്രാ കൂട്ടുകാർക്കും വേണ്ടി ഞാൻ ഇവിടെയുണ്ട്. ” തായ്‌ലൻഡിലെ ഓസ്‌ട്രേലിയൻ അംബാസഡർ പറഞ്ഞു.
അവൻ കൃത്യസമയത്ത് തയ്യാറാകാതെ വന്നപ്പോൾ, എന്തോ കുഴപ്പമുണ്ടെന്ന് അദ്ദേഹത്തിന് മനസ്സിലായി.
അദ്ദേഹത്തിന്റെ മൃതദേഹം എപ്പോൾ ഓസ്ട്രേലിയയിലേക്ക് കൊണ്ടുപോകുമെന്ന് വ്യക്തമല്ല.
ഫെഡറൽ ഗവൺമെന്റ് വോണിന്റെ കുടുംബത്തിന് സംസ്ഥാന സംസ്കാരം വാഗ്ദാനം ചെയ്തിട്ടുണ്ട്.
“വിക്ടോറിയൻ സംസ്ഥാന സർക്കാരിനൊപ്പം ഓസ്‌ട്രേലിയൻ സർക്കാർ കുടുംബത്തിന് ഒരു സംസ്ഥാന ശവസംസ്‌കാരം വാഗ്ദാനം ചെയ്യും, ഒരു മികച്ച വിക്ടോറിയൻ എന്ന നിലയിൽ അദ്ദേഹത്തെ ഞങ്ങൾ ബഹുമാനിക്കേണ്ടത് പ്രധാനമാണ്,” പ്രധാനമന്ത്രി സ്കോട്ട് മോറിസൺ പറഞ്ഞു.
അദ്ദേഹത്തിന്റെ ബഹുമാനാർത്ഥം എംസിജിയിലെ ഒരു സ്റ്റാൻഡിന് അദ്ദേഹത്തിന്റെ പേരിടും. ലോക ക്രിക്കറ്റിൽ സമാനതകൾ ഇല്ലാത്ത ഇതിഹാസ ചരിതം രചിച്ച ആ മഹാന് ഈ രാജ്യം നൽകുന്ന ആദരം കൂടിയാണത്. സ്കോട്ട് മോറിസൺ പറഞ്ഞു.
Follow this link to join ‘ഓസ്‌ മലയാളം’ WhatsApp group: OZMALAYALAM WhatsApp Group 3
