അതേസമയം, ഭാരവാഹി പട്ടിക പ്രസിദ്ധീകരിക്കുന്നത് ഇനിയും നീണ്ടേക്കുമെന്നും റിപ്പോര്‍ട്ടുകളുണ്ട്. 9 ജില്ലകളിലാണ് ഇനിയും നടപടികള്‍ മുന്നോട്ടു പോകാനുള്ളത്. വിഡി സതീശനുമായി സംസാരിച്ച ശേഷം കെ സുധാകരൻ ഉമ്മൻ ചാണ്ടിയും രമേശ് ചെന്നിത്തലയുമായും ചര്‍ച്ച നടത്തുമെന്നാണ് റിപ്പോര്‍ട്ടുകള്‍.
Also Read:
അതേസമയം, തന്നെയും കെ സുധാകരനെയും തമ്മിൽ തെറ്റിക്കാൻ കോൺഗ്രസിനുള്ളിൽ ശ്രമം നടക്കുന്നുണ്ടെന്നാണ് വിഡി സതീശൻ്റെ ആരോപണം. ഒരു പണിയുമില്ലാത്ത നേതാക്കള്‍ കുത്തിത്തിരിപ്പിനു ശ്രമിക്കുകയാണെന്ന് അദ്ദേഹം പറഞ്ഞു. അതേസമയം, രമേശ് ചെന്നിത്തലയെ ലക്ഷ്യമിട്ടുള്ള സതീശൻ്റെ പ്രതികരണം കെ സുധാകരൻ ഗൗരവത്തോടെ പരിഗണിച്ചില്ലെന്നാണ് റിപ്പോര്‍ട്ടുകള്‍. സതീശൻ നടത്തിയത് ആലങ്കാരിക പ്രയോഗമാണെന്നായിരുന്നു ഇന്നലെ സുധാകരൻ പ്രതികരിച്ചത്.എന്നാൽ സുധാകരനുമായുള്ള തര്‍ക്കം അവസാനിപ്പിക്കുകയാണെന്ന സൂചന സതീശൻ്റെ നീക്കങ്ങളിലുണ്ട്.
Also Read:
കെ സുധാകരനുമായുള്ള പ്രശ്നം തീര്‍ന്നെന്നാണ് സതീശൻ അനുകൂല പക്ഷം പറയുന്നത്. എന്നാൽ ചെന്നിത്തലയ്ക്കെതിരെ സതീശൻ നടത്തിയ നീക്കത്തെ സുധാകരൻ പിന്തുണച്ചില്ല എന്നത് ശ്രദ്ധേയമാണ്. ഈ സാഹചര്യത്തിൽ കരട് പട്ടികയിലുള്ള ഐ ഗ്രൂപ്പുകാരെ സുധാകരൻ നീക്കിയേക്കില്ലെന്നാണ് ഗ്രൂപ്പിൻ്റെ പ്രതീക്ഷ. അതേസമയം, ഐ ഗ്രൂപ്പിനെ ഒപ്പം നിര്‍ത്തിയുള്ള പുതിയ തന്ത്രമാണോ സുധാകരൻ പയറ്റുന്നത് എന്നറിയാൻ കുറച്ചു ദിവസം കൂടി കാത്തിരിക്കേണ്ടി വരും.
ഡിസിസി പുനഃസംഘടന സംബന്ധിച്ച് ചര്‍ച്ചകള്‍ തുടരുമ്പോഴും ചെന്നിത്തലയുടെ പുസ്തക പ്രകാശന വേദിയിൽ നേതാക്കള്‍ ഒരുമിച്ച കാഴ്ച ശ്രദ്ധേയമായിരുന്നു. ചെന്നിത്തലയുമായി അടുത്തിടെ വീണ്ടും അടുത്ത കെ മുരളീധരനു പുറമെ എം എം ഹസനും ശശി തരൂരും വദിയിൽ ഒരുമിച്ചു. ഐക്യത്തിനായി ഒരുമിക്കണമെന്നായിരുന്നു നേതാക്കള്‍ വേദിയിൽ ആഹ്വാനം ചെയ്തത്. ചെന്നിത്തലയും കെ മുരളീധരനും തമ്മിൽ രൂപപ്പെട്ട ഐക്യത്തിനു ശേഷം നടക്കുന്ന ആദ്യ പൊതു പരിപാടിയാണിത്.
