അങ്ങനെ ആരെങ്കിലും ഉണ്ടോ എന്ന് സംശയിക്കേണ്ട. തുർക്കി സ്വദേശിയയായ 56കാരൻ മുസാഫർ കയാസൻ ലുക്കീമിയയെത്തുടർന്ന് 2020ൽ ആദ്യമായി ആർടി-പിസിആർ നടത്തിയപ്പോൾ പോസിറ്റീവ് ആയതാണ്. അന്നുമുതൽ, കൊവിഡ് പരിശോധനയ്ക്കായി മുസാഫർ മിക്കവാറും എല്ലാ മാസവും ആശുപത്രിയിൽ പോവും. പക്ഷെ റിസൾട്ട് പൊസറ്റീവ് തന്നെ.
ഈ മാസങ്ങൾക്കിടയിൽ ഒരിക്കലും മുസാഫർ കൊവിഡ്-19 നെഗറ്റീവ് ആയില്ല എന്നല്ല. ഒരിക്കൽ വൈറസ് ബാധയുണ്ടായാൽ കുറഞ്ഞത് മൂന്ന് മാസം കഴിഞ്ഞേ വാക്‌സിനേഷന് അർഹത നേടാനാവൂ. തുർക്കിയുടെ മാർഗ്ഗനിർദ്ദേശങ്ങൾ അനുസരിച്ച്, എല്ലാ കോവിഡ് പോസിറ്റീവ് രോഗികളും രോഗം മാറി വാക്സിൻ ലഭിക്കുന്നതിന് ശാരീരിക ക്ഷമത പൂർണമായും വീണ്ടെടുക്കേണ്ടതുണ്ട്. പക്ഷേ അതിനുള്ള സാവകാശം, മുസാഫറിന് ലഭിക്കില്ല, അതിന് മുൻപേ വീണ്ടും പോസിറ്റീവ് ആവും.
ആദ്യമായി കൊവിഡ് സ്ഥിരീകരിച്ചപ്പോൾ മരിക്കാനായിരിക്കും വിധിയെന്ന് ഡോക്ടർമാർ പറഞ്ഞതായി മുസാഫർ പറയുന്നു. എന്നാൽ 78 ടെസ്റ്റുകൾക്ക് ശേഷം, മുസാഫർ ഇപ്പോഴും ജീവനോടെയും ഉത്സാഹത്തിലാണ്. ന്യൂയോർക്ക് പോസ്റ്റിന്റെ റിപ്പോർട്ട് അനുസരിച്ച്, മുസ്സാഫർ ഒമ്പത് മാസം ആശുപത്രിയിലും അഞ്ച് മാസം ഇസ്താംബൂളിലെ വീട്ടിലും ചെലവഴിച്ചു.
ആവർത്തിച്ചുള്ള അണുബാധകൾ കാരണം, കുറച്ച് മാസങ്ങളായി ഭാര്യയുമായും മകനുമായും സമയം ചിലവിടാൻ പറ്റാത്തതാണ് മുസഫറിനെ ഏറെ വിഷമിപ്പിക്കുന്നത്. “ഞാൻ വൈറസ് ബാധിതനാണെന്ന്. ജനലിനടുത്തുകൂടെ കടന്നുപോകുന്ന ഒരു പൂച്ചയിൽ നിന്നുപോലും എനിക്ക് വൈറസ് ബാധയുണ്ടാകും” മുസാഫർ നർമത്തിൽ ചാലിച്ച് പറയുന്നു. കഴിഞ്ഞയാഴ്ച നടത്തിയ പിസിആർ പരിശോധനയിൽ മുസാഫറിന് വീണ്ടും പോസിറ്റീവ് സ്ഥിരീകരിച്ചു.
