കൊച്ചി
റബ്കോ (കേരള സ്റ്റേറ്റ് റബർ കോ ഓപ്പറേറ്റീവ് ലിമിറ്റഡ്) നാച്വറലാ ബ്രാൻഡിൽ പ്രകൃതിദത്ത ലാറ്റക്സ് ഫോം കിടക്കകളുടെ പുതിയ ശ്രേണി വിപണിയിലിറക്കി. സഹകരണമന്ത്രി വി എൻ വാസവൻ വിപണനോദ്ഘാടനം ചെയ്തു. അത്യാധുനിക സാങ്കേതികവിദ്യയിലൂടെ സംസ്ഥാനത്തെ ഏറ്റവും ഗുണമേന്മയുള്ള റബറൈസ്ഡ് കയർ കിടക്കകളാണ് റബ്കോ നിർമിക്കുന്നതെന്ന് മന്ത്രി പറഞ്ഞു.
കൊച്ചിയിലെ റബ്കോ ഡീലറായ ബെഡ്സ് എൻ മോർ ഉടമ ഡാർവി ജേക്കബ് ജോണിന് നൽകി മന്ത്രി ആദ്യവിൽപ്പന നടത്തി. മേയർ എം അനിൽകുമാർ അധ്യക്ഷനായി. റബ്കോ ഗ്രൂപ്പ് ചെയർമാൻ എൻ ചന്ദ്രൻ, മാനേജിങ് ഡയറക്ടർ പി വി ഹരിദാസൻ, റബ്കോ കയർ മാട്രസ്സ് ഫാക്ടറി ജനറൽ മാനേജർ എ മോഹനകൃഷ്ണൻ, സെയിൽസ് മാനേജർ ആർ മധുസൂദനൻ എന്നിവരും പങ്കെടുത്തു.
32,000 മുതൽ 95,000 രൂപവരെ വിലയുള്ള നാലുതരം കിടക്കകളാണ് നാച്വറലാ ബ്രാൻഡിൽ വിപണിയിൽ ഇറക്കിയിരിക്കുന്നത്.
