കാസര്കോട്> പാണത്തൂര് പരിയാരത്ത് മരത്തടികയറ്റികൊണ്ടുപോകുന്ന ലോറി മറിഞ്ഞ് നാല് പേര്മരിച്ചു. കുണ്ടുപ്പള്ളി സ്വദേശികളായ കെ എന് മോഹനന്(40), ബാബുകുണ്ടുപ്പള്ളി(45), യങ്കാപ്പു എന്ന സുന്ദരന്(47), നാരായണന്(53) എന്നിവരാണ് മരിച്ചത്. അഞ്ച് പേര്ക്ക് സാരമായി പരിക്കേറ്റു. വ്യാഴാഴ്ച വൈകിട്ടാണ് സംഭവം.
റബര്തടികളുമായി വരുന്ന ലോറി ഇറക്കത്തില് നിയന്ത്രണം വിട്ടു റോഡരുകിലെ താഴ്ചയിലേക്ക് മറിയുകയായിരുന്നു. ലോറിയില് കയറ്റിയ മരത്തിന് മുകളില് ഒമ്പത് തൊഴിലാളികളും ഇരിക്കുകയായിരുന്നു. നിയന്ത്രണം വിട്ട് താഴ്ചയിലേക്ക് മറിയുന്നതിനിടയില് ഒരാള് ചാടി രക്ഷപ്പെട്ടു. ബാക്കിയുള്ളവര് മരത്തിനടിയില് പെട്ടു. ഫയര്ഫോഴ്സ് എത്തിയാണ് പുറത്തെടുത്തത്. കുത്തനെയുള്ള ഇറക്കത്തില് നേരത്തെയും വന് അപകടമുണ്ടായിട്ടുണ്ട്.
