ലണ്ടൻ
ഇംഗ്ലീഷ് പ്രീമിയർ ലീഗിൽ ആവേശം നിറയ്ക്കാൻ ക്രിസ്റ്റ്യാനോ റൊണാൾഡോ ശനിയാഴ്ച ഇറങ്ങും. ന്യൂകാസിൽ യുണെെറ്റഡുമായുള്ള മത്സരത്തിൽ മാഞ്ചസ്റ്റർ യുണെെറ്റഡിനായി റൊണാൾഡോ കളത്തിലെത്തും.
പകരക്കാരുടെ ബഞ്ചിലായിരിക്കും തുടക്കത്തിൽ. റൊണാൾഡോ ഏതുസമയത്തും കളത്തിലിറങ്ങുമെന്ന് പരിശീലകൻ ഒലെ ഗുണ്ണാർ സോൾചെയർ പറഞ്ഞു. യുണെെറ്റഡിൽ റൊണാൾഡോയ്ക്ക് ഇത് രണ്ടാം അവസരമാണ്. ഇറ്റാലിയൻ വമ്പൻമാരായ യുവന്റസിൽനിന്നാണ് ഈ പോർച്ചുഗലുകാരൻ എത്തിയത്. പോർച്ചുഗലിനായി അയർലൻഡിനെതിരെ രണ്ട് ഗോളടിച്ചാണ് ഒരുക്കം.
